[Tâibûn] Cha̍pliām

作者：孤翁│2020-07-11 17:36:19│巴幣：0│人氣：111

Thuikóng Tâibûn ê sîchūn nā tn̄g tio̍h lâng kóng boaih o̍h to̍h kiànsiàu tńg siūⁿkhì kóng lâng Hoanáu, án-ne kám hó? Tùi Tâibûn ê hoattián kám ū pangchān? Góa kámkak sī bô lah.

Àn in ê siūⁿhoat, góa chi̍t sì lâng tǹg phiò lóng tǹg hō͘ Bînchìntóng ê amá kah apâ mā sī Hoanáu, in-ūi in bô sáⁿ siūⁿbeh o̍h siá Tâibûn.

Kiàn-nā khoàⁿ lâng ēng chi̍p-hōe khòngcheng lâi siopí, lóng kámkak chin àichhiò. Goânlâi chit nn̄g kiāⁿ tāichì sī ē pí chit ê. Thāitō͘ bô hó koh ǹgbāng lâng lâi o̍h? Mài chòe bînbāng ah lah! Khíthâu m̄ seng kā tēki khōng hō͘ chāi, sī leh chham lâng oan sáⁿmih oáⁿko?

Kā chi̍tkóa kah lio̍h-á tùi susiá Tâigí ū hèngchhù ê lâng kiaⁿ kiaⁿ cháu liáuāu kah khausé lâng sī Hoanáu? Seng hó-hó-á kiámthó katī hó bô?

Kuikang iōng siūhāichiá ê simthài kóng pháiⁿthiaⁿ ōe, kóng lâng ū gībū o̍h, góa kā lí kóng, chèngsiông lâng lóng thiaⁿ kah ē iàsiān lah, che to̍h hōchò "CHHÊNG SÍ LO SÒ͘" lah!

Ūsim beh sak, to̍h iōng khah hó ê hongsek, hó bô?