呢,我7up太多,哈哈哈。嬲嘅係,未有好連貫、故事性嘅文字出世。總係夾雜過多情感,較意識流,不好讀……整個好啲嘅blog?!輕鬆得黎、自己又喜歡、又吸到一啲人嘅blog。新圈子、新世界,我想、我要入。
當有人問到我嘅日本之旅,有時無語:P 個人之旅,講都唔易明,嗰個kimochi(感情)。依啲未必係開心嘅野,對方亦未必想知。Private trip。不過你唔講,人地一定唔明。
日本之旅
Pros︰
- 感恩,我一個人唔會可以完成到嘅野。一個人,力量太有限,會有唔知為乜嘅感覺。真心多謝日文老師,歷來嘅。自學睇書係學到啲,但總比唔上真人教學,有互動(少少)。盧老師話,N4日文,夠用架喇。其實都okay嘅,好簡單嘅對答,日常生活。R幫我買上網卡,仲幫我比住錢先(我張信用卡碌唔到)……
- 見多左人,3個月見左20至30個人,每個相處1至兩星期。佢地黎自日本同世界各地,好似聯合國。有少少壓力嘅係,好似每個國家/地區派一個代表出黎,講下你個城市,煮下地鄉菜。而我只係個好普通嘅人,對農業又唔係特別有興趣。同時,知道人地嘅犀利,自己可以點努力。無諗唔通嘅人,只有諗唔通嘅路:D 例如聽下podcasts、聽多啲經典歌手/樂隊嘅歌、睇多啲書、唔好放棄,繼續講野。