一個係學校既經歷

係我F.3時既經歷,因為我係校隊,所以每次練波都會練到6點幾(學校6點關門,但因為我地亞sir係到所以可以打到6點幾)。記得個時係冬天,6點幾已經好黑,換番校服之後成班人好似平時咁上課室,將波鞋同護膝擺番落自己locker(懶拎番屋企)。
我同另外兩個隊友都係F.3,而F.3既課室係四樓,其他人都係F.4,佢地就上左三樓。我學校係舊式學校,所以禮堂係同隔離學校禮堂"痴"堆一齊,我學校禮堂係四樓,即係我個層。
我同其中一人locker都係係禮堂門口隔離,所以睇唔到禮堂d窗,而另外一個人既locker係走廊既另一邊,佢個邊可以望入禮堂d窗。當佢鎖好locker,見我地咁耐未得,咪企係走廊中間問我地得未,過左一陣,當我地鎖完行過去搵佢時,佢同我講禮堂窗口有一個人企左係到,佢仲叫我睇下,一聽到我地都好驚話快d走啦,我唔敢另轉頭望(我背住禮堂d窗),跟住3條友即刻跑左落樓下。
我相信佢唔係眼花,因為禮堂d窗同走廊既距離大約只有兩個人既高度咁遠。