0 GP
(新手)最後的學界足球
作者：fishkk│2019-03-07 17:01:32│巴幣：0│人氣：34
大家好，小弟第一次寫故，有不足唔好見怪，大家亦可留言提出意見，或者某D劇情/人物想有補充，都可以留言。依個故事係用小弟最後一年學界生涯做骨架，加入其他元素同劇情改編的，如果有人咁都認得出小弟，希望唔好相認啦。(同埋我未必全部係正字，希望各位特警高抬貴手)1.9月1日，開學日，久違了的7點鐘鬧鐘叫醒了我。我不情不願的從床上爬起，準備返學。出門口後依然是在魂遊太虛，思緒慢慢走到了回憶當中……今日開學我一點都不快樂，不是因為我討厭讀書，而是我的大想頭，令到我唔可以著便服，開開心心咁去大學度上堂，享受大學生活，反而係要著返套校服，返舊校去重讀中7。我是一個擁有入U成績的中7重讀生(成績勉強夠入九龍區果幾間大學)，但由於我排JUPAS時太大想頭，想入一D我根本唔夠分入既科目，結果我NO OFFER。我亦不甘讀ASSO，我希望從JUPAS 堂堂正正咁入U，所以我選擇左再考AL依條路。朋友話，我可以自修，因為我既母校係一間BAND3既學校，好多老師都無乜心機教書，你返去都唔會有咩進步。無錯，我知道學校唔會令我既成績有咩進步，我都一心只係靠自己。但你會問，咁點解你要讀日校，仲要讀返母校，而唔去搵其他中學呢，你有本身可以入U既成績，應該有D好D既學校肯收你架？我會答，我返黎只有一個目的：就係打多一年學界賽。差D唔記得講，我叫做阿南，袁振南，我鐘意踢波。我算係學校入邊既高材生，大家唔好見怪，因為我唔係讀一間好叻既學校，所以有個學生可以又打校隊又讀到少少成績，已經算係好叻。我印象中由我中1到中7，我都唔知換過幾多批隊友。本身每年都會有人因為升唔到班轉校或者種種原因無再讀書等，特別係一到會考，就會有一大班人因為升唔到中6而離開，中6,7果時完全係另一批外校生，因為原校可以夠分升中6既人好少，學校中6會收一大班外校生，所以基本上隊波年年都總會大轉，同某D傳統名校打幾年都係同一班隊友，完全唔一樣。就算KEEP到一路留係度既，都係有佢特別既原因(將來介紹隊友果時再講)。但正如我頭先所講，我讀一間麻麻地既學校都可以讀到少少成績，自己一定要努力，亦都會有所犧牲。犧牲既就係我練波既時間，雖然教練一直都無介意我以前少練波，但一分耕耘，一分收獲，即使你有唔錯基本功同意識，體能唔夠就係唔夠，人地練波既時候你要去溫書，體能既進步自然少，細個就唔會太覺，慢慢大個就開始唔及人地咁FIT同咁跑得。差D唔記得講，我係一個左腳仔，約1.75，少瘦，短髮斜陰，我打LB的![]()
一邊行一邊回想自己讀書同踢波既往事，轉眼間已經差唔多到學校門口，過多一條馬路就到校門。7年間幾乎每日都行同一條路返學，我已經去到連紅綠燈會閃幾多下都撩如指掌。依盞燈會閃8下，我離遠見到人像燈公仔開始閃，我心知我要慢跑先可以趕得切過馬路，但由於岩岩瞓醒，根本唔想用力，所以我決定停係路口等下次綠燈。4下，5下，6下，我一路睇住人像燈公仔一路閃，突然間，我感覺到右邊一陣風吹過…….有一個大約1米85，同我著住同一套校服既男生係我執邊跑過，佢用近乎係短跑選手果種無重力既跑法好快係人像燈由第6下閃到第8下之間好輕鬆咁跑左過對面馬路，而且完全面不紅氣不喘，簡直就好似川島芳子…呀唔係…係好似BOLT一樣。細心一睇，佢身型精瘦，絕對似係一個出色既運動員。由於我當時依然好眼瞓，根本無將依件事放係心上，但係無諗到，原來佢將會係改變我地足球隊歷史既一人，而佢亦係依一個故事既另一主角 阿飛，陳嗚飛。![]()
引用網址：https://home.gamer.com.tw/TrackBack.php?sn=4317033
All rights reserved. 版權所有，保留一切權利
相關創作
留言共 0 篇留言
我要留言提醒：您尚未登入，請先
登入再留言
0喜歡★lamony123 可決定是否刪除您的留言，請勿發表違反站規文字。
後一篇：今天我吃了3個雪梨...
創作內容
未分類 (2)