食飽未Chia̍h pá ·bē (liân-kiat tī chia ·lah)(連結佇遮啦)
Che èng-kai sī sè-siōng thâu chi̍t-ê choân Tâi-bûn ê siā-kau mûi-thé. Bo̍k-chêng kài-bīn kan-na Hàn-jī-pán kap Lô-jī-pán(Lô-má-jī), ū hèng-chhù ê pêng-iú ē-sái chham-khó khòaⁿ-māi! M̄-koh ài khah chù-ì ê sī, kai bāng-chām só͘ sú-iōng ê Hàn-jī m̄-sī ROC(Republic of China) kàu-io̍k-pō͘ ê thui-chiàn iōng-jī. Sī chi̍t-chióng hō-chò "chāi-lâi-jī" ê Hàn-jī, in-ūi góa tùi chit-khóaⁿ jī jīn-bat bô-kàu, só͘-í mā bô-hoat-tō͘ hām ta̍k-ke seh-bêng siuⁿ-chē, khah phái-sè. Koh-lâi i só͘ sú-iōng ê Lô-má-jī mā m̄-sī ROC kàu-io̍k-pō͘ ê Tâi-lô, i sī ēng thoân-thóng ê POJ(pe̍h-ōe-jī). Ta̍k-ke bián hoân-ló, lāi-té bô kui-tēng lí it-tēng ài sú-iōng tó chi̍t chióng Tâi-bûn ·lah.
Che應該是世上頭一个全台文ê社交媒體。目前介面干焦漢字版kap羅字版（羅馬字），有興趣ê朋友會使參考看覓！毋過ài較注意ê是，該網站所使用ê漢字毋是ROC(Republic of China)教育部ê推薦用字。是一種號做「在來字」ê漢字，因為我對這款字認捌無夠，所以mā無法度和逐家說明傷濟，較歹勢。閣來伊所使用ê羅馬字mā毋是ROC教育部ê臺羅，伊是用傳統ê POJ(白話字)。逐家免煩惱，內底無規定你一定ài使用佗一種台文啦。
