SCP-026-J 冷杆仔 Líng kuann-á (台羅文版/教育部推薦漢字版)

作者：Hiok│2019-01-07 03:11:33│巴幣：0│人氣：470

物件偏號：EthCP-026-J

Mi̍h-kiānn phian-hō: EthCP-026-J

物件分砌：安鑾。[若你毋是白痴的話。──Johnson博士]

Mih-kiānn hun-kih: An-luân. [Nā lí m̄ sī pe̍h-tshi--ê uē. -Johnson Phok-sū]

碟別收囥雨數：為著抓顧EthCP-026-J的興活需要，共EthCP-026-J休囥佇標準人形休囥間內。一膠用食糧汁飼EthCP-026-J-1三歹，碟別要虯糧液袂當刁過攝氏1度。

Ti̍h-pia̍t siu-khǹg hōo-sòo: Uī--tio̍h liàu-kòo EthCP-026-J--ê hing-ua̍h su-iàu, kā EthCP-026-J hiu-khǹg tī phiau-tsún jîn-hîng hiu-khǹg king lāi. Tsi̍t ka iōng tsia̍h-niû-tsiap tshī EthCP-026-J-1 sann phái, ti̍h-pia̍t iau-khiû niû-i̍k buē-tàng tiau-kuè liap-sī 1 tōo.

認何人員普管時攏袂當共(亻因)的試舌貼佇EthCP-026-J頂懸。遠管(亻因)有外癮投攏仝款。見爍事EthCP-026-J-A。

Līn-hô jîn-uân puh-kuán-sî lóng buē-tàng kā in--ê tshì-tsi̍h tah tī EthCP-026-J tíng-kuân. Hn̄g-kuán in ū guā giàn-tâu lóng kāng-khuán. Kiàn Sih-sū EthCP-026-J-A.

描寫：EthCP-026-J是一枝配景路珍柱，辨明是4004 Newport風格的成套路珍。觀插著遠管按怎共影響，EthCP-026-J表現焠普管時維持佇隔冰的溫度，攝氏-7佮-8度之間。EthCP-026-J佇爍事EthCP-026-J-A發牲進前以標準方式休囥(見下底)。

Biâu-siá: EthCP-026-J sī tsi̍t ki phuè-kíng lōo-tin-thiāu, piān-bîng sī 4004 Newport hong-keh--ê sîng-thò lōo-tin. Kuan-tshah--tioh hn̄g-kuán án-tsuánn kā íng-hióng, EthCP-026-J piáu-hiān tshuh puh-kuán-sî uî-tshî tī keh-ping--ê un-tōo, liap-sī -7 kah -8 tōo tsi-kan. EthCP-026-J tī Sih-sū EthCP-026-J-A huat-sinn tsìn-tsîng í piau-tsún hong-sik hiu-khǹg (Kìnn ē-té).

這項爍事了後，O5-7下認共研究員Nicholth編制做『白(氏頁)枝仔冰』佮EthCP-026-J-1一個月，抑是到(亻因)的喙舌垃落來為止，看佗一項先發牲。

Tsit hāng sih-sū liáu-āu, O5-7 hā-līn kā Gián-kiù-uân Nicholth pian-tsè-tsò "pe̍h-tshih ki-á-ping" kah EthCP-026-J-1 tsi̍t kò gue̍h, ia̍h-sī kàu in--ê tshuì-tsi̍h lah--lo̍h-lâi uî-tsí, khuànn sī toh tsi̍t hāng sian huat-sinn.

O5-7的告示：

到十月17號進前，不准提供燒水予SCP-026-J-1，(亻因)發生這種代誌是(亻因)家己應該。

O5-7--ê kò-sī:

Kàu Tsa̍p-gue̍h 17 hō tsìn-tsîng, put-tsún thê-kiong sio-tsuí hōo SCP-026-J-1, in huat-sing tsit tsióng tāi-tsì sī in ka-kī ing-kai.

爍事記錄EthCP-026-J-A

Sih-sū kì-lo̍k EthCP-026-J-A

佇2015年九月十(氏頁)號，觀插著EthCP-026-J原底的休囥間發牲以下的事件：

Tī 2015 nî Káu-gue̍h Tsa̍p-tshih hō, kuan-tshah tio̍h EthCP-026-J guân-té--ê hiu-khǹg-king huat-sinn í-hā--ê sū-kiānn:

爍事EthCP-026-J-A

Sih-sū EthCP-026-J-A

你哪會戇甲按呢？

Lí ná ē gōng kah án-ne?

記錄開始
KÌ-LO̍K KHAI-SÍ

Johnson博士：所以講……閣講一擺咱欲提這做啥？
Johnson Phok-sū: Sóo-í kóng…koh kóng tsi̍t pái lán beh the̍h tse tsò siánn?

Nichols博士：我無確定。咱應當愛挈伊做試驗，毋過我想講這無啥物通好做的。
Nichols Phok-sū: Guá bô khak-tīng. Lán ing-tong ài khe̍h i tsò tshì-giām, m̄-koh guá siūnn kóng tse bô siánn-mi̍h thang hó tsò--ê.

Johnson博士：我細漢的時有一擺共我的喙舌牢佇佮這个足成的物件頂懸。明顯無啥物各樣性，毋過無論如何，兄弟啊，彼感覺有影䆀。
Johnson Phok-sū: Guá sè-hàn--ê sî ū tsi̍t pái kā guá--ê tshuì-tsi̍h tiâu tī kah tsit ê tsiok sîng--ê mi̍h-kiānn tíng-kuân. Bîng-hián bô siánn-mi̍h koh-iūnn-sìng, m̄-koh bô-lūn-lû-hô, hiann-tī--ah, he kám-kak ū-iánn bái.

Nichols博士：我真確定彼不過是都市傳說爾爾。
Nichols Phok-sū: Guá tsin khak-tīng he put-kò sī too-tshī thuân-suat niā-niā.

Johnson博士：你講正經的？你毋就是材料學者？
Johnson Phok-sū: Lí kóng tsìng-king--ê? Lí m̄ tō sī tsâi-liāu ha̍k-tsiá?

Nichols博士：是啊。我拄才講矣，我認為彼是一个都市傳說爾爾。
Nichols Phok-sū: Sī--ah. Guá tú-tsiah kóng--ah, guá līn-uî he sī tsi̍t ê too-tshī thuân-suat niā-niā.

Johnson博士離開房間幾若分鐘，而且(毛灬)一个編號D-4278的D-級人員轉來
Johnson Phok-sū lī-khui pâng-king kuí-ā hun-tsing, jî-tshiánn tshuā tsi̍t ê pian-hō D-4278--ê D-Kip jîn-uân tńg--lâi

Johnson博士：嘿，D-4278，共舐。
Johnson Phok-sū: Heh, D-4278, kā tsīnn.

D-4278：這毋就彼枝路燈柱仔？聽的，我毋是戇的，我的喙舌會牢佇頂懸的。
D-4278: Tse m̄ tō hit ki lōo-ting-thiāu-á? Thiann--ê, guá m̄ sī gōng--ê, guá--ê tshuì-tsi̍h ē tiâu tī tíng-kuân--ê.

Johnson博士：照做就是矣，這是命令。
Johnson Phok-sū: Tsiàu-tsò tō sī--ah, tse sī bīng-līng.

D-4278：真的抑假的？我甘願食銃子。
D-4278: Tsin--ê ah ké--ê? Guá kam-guān tsia̍h tshìng-tsí.

Nichols博士：喔嘛較拜託一下，彼就是都市傳說爾。你看。
Nichols Phok-sū: Ooh mā khah pài-thok tsi̍t ē, he tō sī too-tshī thuân-suat niā. Lí khuànn.

觀察著Nichols博士向EthCP-026-J行去閣共(亻因)的喙舌對EthCP-026-J硩落，絚絚的黏佇柱仔頂懸
Kuan-tshat tio̍h Nichols Phok-sū hiòng EthCP-026-J kiânn khì koh kā in--ê tshuì-tsi̍h tuì EthCP-026-J teh--loh, ân-ân--ê liâm tī thiāu-á tíng-kuân

Nicholth福士：喔天公嘿啊，哈牢啊，救蜊。
Nicholth Hok-sū: OOH THINN-KONG-HEH-AH, HAH-TIÂU-AH, KIÙ LÂ.

Johnson博士：你敢知，你應該啦，孝呆。
Johnson Phok-sū: Lí kám tsai, lí ing-kai--lah, hàu-tai.

D-4278：你敢毋免去……鬥相共抑是按怎？
D-4278: Lí kám m̄-bián khì…tàu-sann-kāng ah-sī án-tsuánn?

Nicholth福士：葉啦你菩沙身腸鬥相共啦
Nicholth Hok-sū: HIO̍H--LAH LÍ PHÔO-SA-SIN-TN̂G TÀU-SANN-KĀNG--LAH

Johnson博士：哼……無愛。毋管佗一个槌甲會共(亻因)的喙舌黏佇一枝各樣性是零下溫度柱仔的人，發生啥攏是應該。
Johnson Phok-sū: Hngh…bô ài. M̄-kuán toh tsi̍t ê thuî kah ē kā in--ê tshuì-tsi̍h liâm tī tsi̍t ki koh-iūnn-sìng sī lîng-hā un-tōo thiāu-á--ê lâng, huat-sing siánn lóng sī ing-kai.

Nicholth福士：咧婆好笑！
Nicholth Hok-sū: LEH PÔ HÓ TSHIÒ!

Johnson博士：咧借好笑。這就是為啥你拄著冷杆仔愛閃較遠的。
Johnson Phok-sū: Leh tsioh hó tshiò. Tse tō sī uī-siánn lí tú-tio̍h líng kuann-á ài siám khah hn̄g--ê.

D-4278佮Johnson博士離開房間，留卡佇EthCP-026-J頂懸的Nichols博士佇內底
D-4278 kah Johnson Phok-sū lī-khui pâng-king, lâu khah tī EthCP-026-J tíng-kuân--ê Nichols Phok-sū tī lāi-té

記錄結束
KÌ-LO̍K KIAT-SOK

喜歡收藏引用留言推上首頁檢舉

引用網址：https://home.gamer.com.tw/TrackBack.php?sn=4252872
Some rights reserved. 姓名標示-非商業性 2.5 台灣

相關創作

同標籤作品搜尋：翻譯|SCP|SCP基金會